Linetty í leik með pólska landsliðinu.
Pólski landsliðsmaðurinn Karol Linetty er genginn til liðs við Sampdoria í ítölsku A-deildinni.
Linetty, sem er aðeins 21 árs, er uppalinn hjá Lech Poznan og hefur spilað 93 deildarleiki fyrir aðalliðið.
Linetty, sem er aðeins 21 árs, er uppalinn hjá Lech Poznan og hefur spilað 93 deildarleiki fyrir aðalliðið.
Auk þess hefur Linetty spilað 10 landsleiki fyrir Pólland og var hann í pólska hópnum sem komst í 8-liða úrslit á EM í Frakklandi.
Linetty hefur verið eftirsóttur af liðum á borð við Manchester City og PSG en sá áhugi hefur dalað á síðustu mánuðum og er miðjumaðurinn sáttur með að vera kominn til Sampdoria.
„Ég tel að þetta sé rétt skref hjá mér, nú þarf ég að vinna mér inn byrjunarliðssæti og þá fæ ég tækifæri til að sanna hvað ég get á stóra sviðinu," sagði Linetty.
„Ég er sóknarsinnaður miðjumaður og uppáhaldsleikmenn mínir í æsku voru Zidane og Henry."
Athugasemdir
