Tindastóll fékk sameinað lið Fjarðabyggðar, Hattar og Leiknis F. í heimsókn í eina leik dagsins í C-riðli 1. deildar kvenna.

Hugrún Pálsdóttir, Kasey Wyer og Laufey Harpa Halldórsdóttir gerðu út um leikinn í fyrri hálfleik og tryggðu Stólunum sigur í riðlinum.

Tindastóll á enn eftir að spila við Völsung, sem er með þrjú stig á botninum. Gestirnir að austan ljúka tímabilinu með 11 stig eftir 10 leiki.

Tindastóll er með 22 stig eftir 9 umferðir. Sindri, Hamrarnir og Einherji koma þar á eftir og ljúka riðlinum með 16 stig.

HK/Víkingur og ÍR eru í toppbaráttunni ásamt Ólafsvíkingum í A-riðli og þá er Grindavík búið að vinna B-riðil og Haukar öruggir í öðru sæti.

Markaskorarar af urslit.net