fös 26. ágúst 2016 23:47
Guðmundur Aðalsteinn Ásgeirsson
Heimild: Vísir.is 
Sjáðu mörkin: Bayern München fór illa með Aron Jó og félaga
Lewandowski var í stuði í kvöld
Lewandowski var í stuði í kvöld
Mynd: Getty Images
Bayern München 6 - 0 Werder Bremen
1-0 Xabi Alonso ('9 )
2-0 Robert Lewandowski ('13 )
3-0 Robert Lewandowski ('46 )
4-0 Philipp Lahm ('66 )
5-0 Franck Ribery ('73 )
6-0 Robert Lewandowski ('77 , víti)

Aron Jóhansson og félagar hans hjá Werder Bremen voru rassskelltir í fyrsta leik tímabilsins í þýsku Bundesligunni í kvöld.

Þeir heimsóttu meistara Bayern München og voru kjöldregnir á Allianz Arena í München. Lokatölur í leiknum urðu 6-0 fyrir þýsku risana.

Pólski framherjinn Robert Lewandowski hóf tímabilið á því að skora þrennu og Xabi Alonso, Philipp Lahm og Franck Ribery komust einnig á blað í leiknum í kvöld.

Aron Jóhannsson var í byrjunarliði Werder Bremen og hann var tekinn af velli á 64. mínútu þegar staðan var 3-0. Það hjálpaði ekki mikið til fyrir Bremen þar sem heimamenn gengu á lagið og bættu við þremur mörkum til viðbótar og unnu eins og áður segir mjög svo þægilegan 6-0 sigur.

Leikurinn var sýndur í beinni á Stöð 2 Sport og Vísir.is hefur nú birt myndband af mörkunum úr leiknum.
Smelltu hér til þess að sjá mörkin á vef Vísis.
Athugasemdir
banner
banner
banner
banner
banner