Heimild: Goal
Þjálfari Napoli, Maurizio Sarri, er með þeim skrautlegustu í ítalska boltanum. Hann lét ansi furðuleg ummæli falla fyrir leikinn gegn AC Milan á morgun og hafa þessi ummæli vakið mikla athygli.
Sarri sagði við fjölmiðla fyrir leik að Belginn Dries Mertens megi stara á sig í sturtu ef hann heldur áfram að skora tvö mörk í leik. Mertens byrjaði á bekknum í fyrsta leik Napoli í deildinni, en hann kom inn á og setti tvö og hjálpaði Napoli að gera 2-2 jafntefli við Pescara.
Sarri sagði við fjölmiðla fyrir leik að Belginn Dries Mertens megi stara á sig í sturtu ef hann heldur áfram að skora tvö mörk í leik. Mertens byrjaði á bekknum í fyrsta leik Napoli í deildinni, en hann kom inn á og setti tvö og hjálpaði Napoli að gera 2-2 jafntefli við Pescara.
Mertens fagnaði með því að stara á Sarri og gefa þannig til kynna óánægju sína með að byrja á bekknum. Fjölmiðlar spurðu Sarri út í fagnið og hann lét furðuleg ummæli falla um málið.
„Ef hann heldur að þetta hafi áhrif á ákvarðanir mínar, þá getur hann gleymt því," sagði Sarri. „Ef hann skorar tvö mörk í hverjum einasta leik, þá má hann koma og stara á mig í sturtu, mér er sama."
Athugasemdir