Milner fagnar hér marki sínu í dag
„Á endanum erum við vonsviknir," sagði James Milner, leikmaður Liverpool, eftir 1-1 jafntefli gegn Tottenham á útivelli í dag.
Milner kom Liverpool yfir á 43. mínútu, en í seinni hálfleik var lið Tottenham sterkara og þeir náðu að jafna með marki frá Danny Rose á 72. mínútu. Lokatölur því eins og áður segir 1-1 á White Hart Lane.
Milner kom Liverpool yfir á 43. mínútu, en í seinni hálfleik var lið Tottenham sterkara og þeir náðu að jafna með marki frá Danny Rose á 72. mínútu. Lokatölur því eins og áður segir 1-1 á White Hart Lane.
„Við gerðum ekki nóg í seinni hálfleiknum þannig að þetta voru líklega sanngjörn úrslit. Við áttum það skilið að vera yfir í leiknum, en við komum ekki nægilega sterkir inn í seinni hálfleikinn eftir að hafa skorað markið."
Milner hefur spilað síðustu leiki í vinstri bakverðinum og hann hefur fundið sig ágætlega þar.
„Þú verður að vera fljótur að læra. Sem betur fer hef ég spilað í úrvalsdeildinni nógu lengi til þess að hafa næga reynslu. Ég hef spilað í fullt af stöðum á ferlinum og ég verð bara að aðlagast þessari stöðu."
„Það lítur út eins og það sé mjög langt síðan við spiluðum síðast á Anfield, en þetta hefur verið erfið byrjun hjá okkur."
Athugasemdir
