Bilic og Guardiola virtust ná vel saman.
Slaven Bilic sá jákvæðu hliðarnar eftir 3-1 tap West Ham gegn Manchester City í dag.
Hamrarnir voru án margra lykilmanna og lentu 2-0 undir í fyrri hálfleik. Michail Antonio minnkaði muninn í síðari hálfleik og voru Hamrarnir í leiknum allt þar til í lokin þegar Raheem Sterling innsiglaði sigur Man City með sínu öðru marki í leiknum.
Hamrarnir voru án margra lykilmanna og lentu 2-0 undir í fyrri hálfleik. Michail Antonio minnkaði muninn í síðari hálfleik og voru Hamrarnir í leiknum allt þar til í lokin þegar Raheem Sterling innsiglaði sigur Man City með sínu öðru marki í leiknum.
„Við vorum skelfilegir fram að markinu sem við skoruðum. Þeir voru miklu betri í fyrri hálfleik en við áttum góðan endasprett," sagði Bilic.
„Okkur vantar heilmikið af leikmönnum í hópinn og við prófuðum að breyta leikskipulaginu fyrir leikinn í dag til að reyna að loka betur á ákveðin svæði. Það misheppnaðist, þeir voru miklu sneggri og eru í æðri gæðaflokki.
„Við fáum nokkra menn úr meiðslum eftir landsleikjahléð, fyrst ætti Lanzini að vera klár og svo Payet. Þá mun leikskipulagið breytast aftur og gæðin verða meiri."
Athugasemdir
