Okaka kemur til Watford frá belgíska stórveldinu Anderlecht en hann skoraði fimmtán mörk í belgísku úrvalsdeildinni í fyrra sem var hans eina tímabil í Belgíu.

Þessi 27 ára gamli sóknarmaður er ekki alveg ókunnur ensku úrvalsdeildinni því hann var á láni hjá Fulham seinni hluta leiktímabilsins 2010/2011 og skoraði þá tvö mörk í ellefu leikjum.

Okaka gerir fimm ára samning við Watford og mun hann leika í treyju númer 99.

Watford endaði í 13.sæti ensku úrvalsdeildarinnar á síðustu leiktíð en hefur farið illa af stað á þessu tímabili og er aðeins með eitt stig eftir þrjá leiki.