Einn leikur fer fram hér á landi í dag þar sem næstsíðasti leikur riðlakeppni 1.deildar kvenna fer fram.

Augnablik fær Álftanes í heimsókn en þessi lið leika í B-riðli og eru hvorug á leið í úrslitakeppni. Það þýðir að þetta er síðasti leikur beggja liða þetta sumarið.

Augnablik hefur nælt sér í 21 stig í sumar og situr í fimmta sæti riðilsins en liðið getur lyft sér upp um eitt sæti með því að ná í stig í kvöld.

Álftaneskonur hafa tíu stigum minna og munu hafna í sjöunda sæti riðilsins, sama hvernig leikur kvöldsins fer.