Davíð Þór Rúnarsson hefur gengið til liðs við Víking R. Davíð sem er 26 ára gamall sóknarmaður skoraði átta mörk í átján leikjum með Fjölni í fyrstu deildinni í sumar og var hann á meðal markahærri manna þar en hann hefur einnig leikið með Hvöt, Tindastól og Neista H. hér á landi.
Vandamál Víkings síðastliðið sumar var mikið til í sókninni því liðið skoraði ekki mörg mörk eða alls 19 í efstu deild. Hinsvegar binda Víkingar vonir við að Davíð Þór og Elmar Dan Sigþórsson sem kom til liðsins frá KA í haust muni hjálpa liðinu að skora meira í fyrstu deildinni næsta sumar.
Sjá einnig:
Hin Hliðin á Davíði Þór (September 2004)
Athugasemdir