Randers hefur byrjað vel í dönsku úrvalsdeildinni undir stjórn Ólafs Kristjánssonar. Eftir sjö umferðir er Randers með 14 stig, stigi á eftir toppliði Bröndby. Ólafur var í löngu viðtali í útvarpsþættinum Fótbolti.net um helgina.
„Við höfum verið mjög solid í varnarleik og ekki gefið mikið af færum og mörkum á okkur. Það hefur verið erfitt að spila á móti okkur. VIð höfum fengið næstfæst mörk á okkur á eftir FC Kaupmannahöfn. Við höfum verið að vinna þessa 1-0 sigra," sagði Ólafur í viðtali við Tómas Þór Þórðarson og Benedikt Bóas Hinriksson á X-inu á laugardaginn.
Ólafur tók við Randers í sumar og hefur náð að koma liðinu á flug eftir vesen hjá félaginu í vor.
„Við höfum verið mjög solid í varnarleik og ekki gefið mikið af færum og mörkum á okkur. Það hefur verið erfitt að spila á móti okkur. VIð höfum fengið næstfæst mörk á okkur á eftir FC Kaupmannahöfn. Við höfum verið að vinna þessa 1-0 sigra," sagði Ólafur í viðtali við Tómas Þór Þórðarson og Benedikt Bóas Hinriksson á X-inu á laugardaginn.
Ólafur tók við Randers í sumar og hefur náð að koma liðinu á flug eftir vesen hjá félaginu í vor.
„Þegar ég kem þá er ákveðinn órói. Síðasti vetur var erfiður hjá þeim. Það var órói í búningsklefanum og leiðindamál sem kom upp sem er óþarfi að rifja upp. Það voru áskoranir," sagði Ólafur sem hefur hægt og rólega komið sínum aðferðum að.
„Við héldum fast í það sem var búið að gera áður og komum síðan með áherslur sem ég vildi hafa," sagði Ólafur sem veit nú loksins hvernig leikmannahópurinn verður í vetur.
„Við erum komnir í 7. umferð þegar þessi bévítans félagaskiptagluggi lokar. Núna veit ég hvaða hóp ég er með. Úrslitin hafa verið að detta vel miðað við hvaða forsendur hafa verið að sumu leyti á móti okkur."
Ólafur missti starf sitt hjá FC Nordsjælland í fyrravetur þegar nýir eigendur keyptu félagið. Ólafur kann betur við sig hjá Randers.
„Mér líður betur í þessum klúbb. Það er meira svigrúm að öllu leyti til þess að skapa og móta það sem við erum að gera. Auðvitað hjálpar það alltaf þegar það gengur vel, þá er auðveldara að selja allar hugmyndir."
FC Randers er ungt félag sem var stofnað út frá Randers Freja og fleiri félögum árið 2003.
„Sagan er ekki nema þessi þrettán ár. Þeir hafa bæði verið í að byggja upp völlinn og aðstöðuna sem og peninga stöðuna. Félagið er mjög vel rekið. Þó að það sé verið að fá inn leikmenn þá er ekki verið að eyða um efni fram. Þegar leikmenn eru seldir þá eru fengnir leikmenn til að fylla í skörðin," sagði Ólafur sem keypti meðal annars Hannes Þór Halldórsson til Randers í sumar.
Hér að ofan má hlusta á viðtalið í heild sinni.
Athugasemdir