Sænski sóknarmaðurinn Zlatan Ibrahimovic var í skemmtilegu viðtali hjá frönsku sjónvarstöðinni, SFR Sport. Þar sagði hann meðal annars frá því hvers hann saknaði mest frá tíma sínum hjá Paris Saint-Germain í Frakklandi, en hann var ekki lengi að svara því.
Zlatan kom til Manchester United í sumar eftir fjögur ár hjá franska stórliðinu Paris Saint-Germain. Hann hefur farið vel af stað hjá nýju liði og verður í stóru hlutverki í Manchester-slagnum sem fram fer á laugardaginn klukkan 11:30.
Zlatan kom til Manchester United í sumar eftir fjögur ár hjá franska stórliðinu Paris Saint-Germain. Hann hefur farið vel af stað hjá nýju liði og verður í stóru hlutverki í Manchester-slagnum sem fram fer á laugardaginn klukkan 11:30.
Hann segist ekki sakna mikils frá lífinu í París, en ef það er eitthvað eitt sem hann saknar, þá eru það ofurlaunin sem hann var að fá í frönsku höfuðborginni. Hann var mjög sáttur með þau eins og sjá má í myndbandinu hér að neðan.
„Ég sakna síðasta launaseðilsins frá París," sagði Zlatan léttur í bragði. „Það er það sem ég sakna."
Eins og áður segir þá má sjá myndband af þessu, en Zlatan tók á sig launalækkun þegar hann fór til United. Talið er að hann sé með 260 þúsund evrur í vikulaun núna, en þegar hann var hjá PSG var hann með 290 þúsund evrur í vikulaun.
Extrait de l'entretien exclusif #SFRSport avec @Ibra_official avant @ManUtd vs @ManCity ! 😃 #StayTuned #91E pic.twitter.com/xYx2a0hTxD
— SFR Sport (@SFR_Sport) September 8, 2016
Athugasemdir