Næstsíðasta umferð Pepsi-deildarinnar fór fram í heild sinni í dag og er hægt að sjá hverjir fengu bónusstigin úr leikjum dagsins í Draumaliðsdeild Eyjabita hér fyrir neðan.

Breiðablik tapaði fyrir ÍA, Stjarnan vann stórleikinn gegn Fjölni, botnliðin gerðu jafntefli og Aron Bjarnason setti þrennu er Eyjamenn björguðu sér úr fallbaráttunni.

Það ríkir gríðarleg spenna fyrir lokaumferðina enda tvö lið enn í fallbaráttu og fimm í evrópubaráttu.