Víglundur Páll Einarsson hefur ákveðið að hætta sem þjálfari Fjarðabyggðar af persónulegum ástæðum. Þetta staðfesti hann í samtali við Fótbolta.net í dag.
„Ég þakka leikmönnum,stuðningsmönnum og þeim sem að félaginu koma fyrir samstarfið," sagði Víglundur við Fótbolta.net.
Fjarðabyggð féll úr Inkasso-deildinni í sumar en liðið endaði í neðsta sæti með 17 stig.
Víglundur tók við Fjarðabyggð fyrir tímabilið eftir að hafa áður þjálfað Einherja á Vopnafirði.
Andri Þór Magnússon, varnarmaður Fjarðabyggðar, hefur einnig ákveðið að hætta að leika með liðinu og róa á önnur mið en frá þessu greindi hann á Facebook í dag.
Hinn 28 ára gamli Andri hefur spilað með Fjarðabygð allan sinn feril en hann á 232 deildar og bikarleiki að baki með liðinu.
Athugasemdir