Harpa Þorsteinsdóttir hjá Stjörnunni er besti leikmaður Pepsi-deildar kvenna þetta sumarið, en frá þessu var greint eftir leik Stjörnunnar og FH í dag. Lillý Rut Hlynsdóttir úr Þór/KA var valin efnilegust og Elías Ingi Árnason var valinn besti dómarinn.
Venjan hefur verið að afhenda verðlaun á borð við þessi á lokahófi KSÍ. Í fyrra var það gert á uppskeruhátíðum félaganna, en nú er það gert í leikslok í síðustu umferðinni. Það eru leikmenn liðanna í deildinni sem greiða atkvæði í kosningunni.
Venjan hefur verið að afhenda verðlaun á borð við þessi á lokahófi KSÍ. Í fyrra var það gert á uppskeruhátíðum félaganna, en nú er það gert í leikslok í síðustu umferðinni. Það eru leikmenn liðanna í deildinni sem greiða atkvæði í kosningunni.
Harpa var sem fyrr lykilmaður í liði Stjörnunnar sem hampaði Íslandsmeistaratitlinum eftir harða baráttu. Hún skoraði 20 mörk í 16 leikjum með Stjörnunni og var ennfremur markahæst í Pepsi-deild kvenna. Harpa fékk afhent Icelandairhornið, eftir leik Stjörnunnar og FH í lokaumferðinni, ásamt því að fá eignaskjöld og ferðavinning frá Icelandair.
Lillý Rut er 19 ára gömul, en hún lék alla 18 leiki Þórs/KA á tímabilinu og skoraði í þeim 2 mörk. Hún hefur leikið með U16, U17 og U19 ára landsliðum Íslands. Lillý fékk afhent Icelandairhornið, eftir leik ÍBV og Þórs/KA í lokaumferðinni, ásamt því að fá eignaskjöld og ferðavinning frá Icelandair.
Elías Ingi, sem dæmir fyrir KH, er vel að þessari nafnbót kominn en hann dæmdi 10 leiki í Pepsi-deild kvenna í sumar og var varadómari á leik Stjörnunnar og FH í lokaumferðinni í dag.
Þá fékk Málfríður Erna Sigurðardóttir, leikmaður Breiðabliks, háttvísiverðlaun Borgunar fyrir keppnistímabilið 2016, en verðlaunin eru veitt leikmanni sem hefur sýnt af sér heiðarlega framkomu á velli. Það er Háttvísinefnd KSÍ sem stendur að valinu.
Athugasemdir