Jón Gísli var útnefndur leikmaður ársins í deildinni á lokahófi Fótbolta.net í gærkvöldi en það eru þjálfarar og fyrirliðar í deildinni sem velja.

„Við höfum verið svolítið að klúðra þessu undanfarin ár en núna erum við komnir með stóran og þéttan hóp og allir búnir að læra og fá fleiri leiki. Það eru allir reyndar, þjálfarar og við. Við erum tilbúnir að gera eitthvað í Inkasso," sagði hann.

ÍR vann deildina með 54 stig á meðan Grótta sem kom í 2. sætinu fékk 43 svo liðið hafði nokkra yfirburði.

„Ég myndi segja það. Við pökkuðum þessu saman," sagði Jón Gísli. „Þetta er félagið sem ég hef alist upp í og mér líður vel þar. Ég vildi bara komast upp úr þessari deild, við erum þannig klúbbur að við eigum heima ofar."

Hann skoraði 22 mörk í 21 leik og segist ætla að skora sín mál og sjá til um framhaldið. Hann er þó með markmið í markaskorun með ÍR næsta sumar.

„Ég skora 15+, ég lofa því," sagði hann og lofaði að ÍR geri góða hluti næsta sumar."