Viðtalið var tekið á Hótel Natura í morgun.
„Það er náttúrulega bara spenningur í loftinu," sagði Hjörtur Hermannsson, fyrirliði U21 árs landsliðs Íslands, í viðtali í útvarpsþættinum Fótbolti.net nú áðan.
Elvar Geir Magnússon og Tómas Þór Þórðarson ræddu við Hjört á hóteli U21-landsliðsins.
Framundan er leikur gegn Úkraínu í undankeppni EM og þar er allt undir.
Strákarnir í U21 landsliðinu geta með sigri gegn Úkraínu á þriðjudag tryggt sér sæti í lokakeppninni, sem fram fer í Póllandi, á næsta ári.
Elvar Geir Magnússon og Tómas Þór Þórðarson ræddu við Hjört á hóteli U21-landsliðsins.
Framundan er leikur gegn Úkraínu í undankeppni EM og þar er allt undir.
Strákarnir í U21 landsliðinu geta með sigri gegn Úkraínu á þriðjudag tryggt sér sæti í lokakeppninni, sem fram fer í Póllandi, á næsta ári.
„Þegar maður lítur aftur í tímann og skoðar þessi viðtöl sem maður hefur verið að fara í þá er það strax ljóst frá fyrsta leik, heima á móti Makedóníu, að við vorum ekkert að fela okkur á bak við einhverjar afsakanir og við segjum bara að við ætlum að vinna þennan riðil," sagði Hjörtur ennfremur, en riðill Íslands er alls ekki sá auðveldasti.
Hjörtur vill sjá sem flesta á vellinum og hvetur fótboltafélög á landinu til þess að færa æfingar sínar í kringum leikinn. Leikurinn hefst klukkan 16:45 á þriðjudaginn.
„Það er rosalega mikið í húfi og við viljum fá sem flesta á völlinn. Mig langar að hvetja félögin á höfuðborgarsvæðinu og kannski víðar frá að "adjusta" kannski áætlunum sínum, færa æfingar til og hvetja iðkendur sína til þess að mæta á völlinn. Við viljum hafa sem flesta."
Hægt er að hlusta á viðtalið í heild sinni í spilaranum hér að ofan.
Athugasemdir
