Það eru fjórir leikir á dagsskrá í spænsku úrvalsdeildinni í dag, en einn þeirra stendur ofar meðal jafningja. Níunda umferð spænsku deildarinnar hófst í gær og hún heldur áfram í dag, hvað mun gerast?

Landsmenn geta byrjað daginn rólega hvað varðar spænska boltann. Fyrsti leikur dagsins er á milli Espanyol og Eibar á heimavelli fyrrnefnda liðsins og er sá leikur örugglega ekki mikið spennandi í augum margra.

Næsti leikur ætti þó að vekja áhuga hjá fleirum, þá mætast Valencia og Barcelona í stórleik þessarar umferðar. Bæði lið hafa valdið ákveðnum vonbrigðum í byrjun tímabils og ætla sér eflaust ekkert annað en sigur í þessum leik.

Dagurinn klárast svo á Spáni með tveimur rólegum leikjum seinni partinn. Real Sociedad mætir Alaves klukkan 16:30 og Granada tekur á móti Sporting Gijon stuttu eftir að áðurnefndum leik lýkur.