Lauren Holiday, ein af hetjum bandaríska kvennalandsliðsins frá Heimsmeistaramótinu á síðasta ári, hefur gengist undir aðgerð þar sem heilaæxli var fjarlægt,
Það er aðeins mánuður síðan hún eignaðist sitt fyrsta barn, en hin 28 ára gamla Holiday var gengin átta mánuði á leið þegar hún var greind með heilaæxli í september. Hún ákvað að eiga barnið fyrst áður en hún tókst á við æxlið.
Það er aðeins mánuður síðan hún eignaðist sitt fyrsta barn, en hin 28 ára gamla Holiday var gengin átta mánuði á leið þegar hún var greind með heilaæxli í september. Hún ákvað að eiga barnið fyrst áður en hún tókst á við æxlið.
Holiday gerði garðinn frægan með bandaríska kvennalandsliðinu og skoraði til að mynda í 5-2 sigri á Japan í úrslitaleik HM í fyrra, en hún lagði skóna á hilluna eftir mótið. Hún skoraði 24 mörk í 133 landsleikjum og vann meðal annars tvö gullverðlaun á Ólympíuleikum.
Maðurinn hennar er körfuboltastjarnan Jrue Holiday, en hann hefur ákveðið að taka sér frí frá NBA-deildinni til þess að annast konu sína.
Athugasemdir