Alan McCormack, leikmaður Brentford í ensku Championship-deildinni, var í gær úrskurðaður í fimm leikja bann og gert að greiða sex þúsund pund í sekt eftir að hafa verið uppvís að kvenfyrirlitningu í garð kvenkyns aðstoðardómara í leik á dögunum.
Umræddur leikur var gegn Cardiff, liði Arons Einars Gunnarssonar, en þeir sem voru á vellinum heyrðu ummæli McCormack í garð Lisu Rashid, sem var aðstoðardómari á leiknum, og kvörtuðu til enska knattspyrnusambandsins.
Umræddur leikur var gegn Cardiff, liði Arons Einars Gunnarssonar, en þeir sem voru á vellinum heyrðu ummæli McCormack í garð Lisu Rashid, sem var aðstoðardómari á leiknum, og kvörtuðu til enska knattspyrnusambandsins.
Hann fór fyrir aganefnd enska knattspyrnusambandsins og var í kjölfarið sektaður um sex þúsund pund, dæmdur í fimm leikja bann og þá var einnig ákveðið að senda hann á námskeið um réttindi kynjanna.
Þessi 32 ára gamli leikmaður mun missa af leikjum gegn Barnsley, QPR, Fulham, Blackburn og Birmingham í Championship-deildinni. Hann má spila næst þann 3. desember.
Athugasemdir