Lucas Perez, spænskur sóknarmaður Arsenal, segist hafa búist við því að spila meira hjá enska félaginu en hann er þó staðráðinn í því að nota þau tækifæri sem hann fær.
Perez, sem gekk til liðs við Arsenal frá Deportivo fyrir 17 milljónir punda í sumar, hefur aðeins byrjað tvo leiki í öllum keppnum á þessu leiktímabili.
Perez, sem gekk til liðs við Arsenal frá Deportivo fyrir 17 milljónir punda í sumar, hefur aðeins byrjað tvo leiki í öllum keppnum á þessu leiktímabili.
„Þegar ég kom hingað fyrst þá bjóst ég við því að vera í stærra hlutverki," sagði hann við útvarpsstöðina Onda Cero.
Hinn 28 ára gamli Perez var duglegur að skora á Spáni á síðasta leiktímabili, en það hefur gengið erfiðlega fyrir hann að fá tækifæri í byrjunarliðinu hjá Arsenal.
„Liðsfélagarnir sem spila í minni stöðu eru að spila virkilega vel. Við höfum unnið sjö leiki í röð, og í lok dags, þá vill þjálfarinn það sem er best fyrir liðið."
„Ég vonaðist eftir meiri spiltíma, en núna verð ég einfaldlega að nýta þau tækifæri sem ég fæ."
Athugasemdir