Mark Hughes, stjóri Stoke, hefur greint frá því að markvörðurinn Jack Butland sé byrjaður að æfa aftur eftir að gengist undir aðgerð á ökkla.
Butland hefur ekki spilað með Stoke síðan í mars eftir að hafa orðið fyrir meiðslum í vináttulandsleik með Englandi gegn Þýskalandi.
Butland hefur ekki spilað með Stoke síðan í mars eftir að hafa orðið fyrir meiðslum í vináttulandsleik með Englandi gegn Þýskalandi.
Upphaflega var talið að Butland myndi snúa aftur í upphafi tímabils, en svo kom í ljós að hann þurfti að fara í aðgerð og því var hann lengur frá en áætlað var.
„Hann sneri aftur út á völl í gær. Þetta voru léttar hreyfingar, en við erum vongóðir um það að þetta sé allt að baki hjá honum," sagði Hughes.
„Þetta er erfitt fyrir hann. Hann er með stóran persónuleika, en hann er mjög einbeittur. Það var erfitt að taka þessum meiðslum, ekki bara fyrir hann heldur fyrir alla."
„En hann bara yppti öxlum og hélt áfram og vonandi getum við komið upp með einhverja dagsetningu fyrir endurkomu hjá honum á næstunni."
Athugasemdir