Kaj Leo kom til FH í júlí og gerði samning út tímabilið. FH ætlar ekki að gera nýjan samning við Kaj Leo að svo stöddu.

Kaj Leo spilaði sex leiki í Pepsi-deildinni með Íslandsmeisturum FH í sumar.

Þessi 25 ára gamli leikmaður er í færeyska landsliðshópnum en hann kom inn á sem varamaður í 6-0 tapi liðsins gegn Portúgal á dögunum.

Kaj Leo er annar kantmaðurinn sem fer frá FH eftir tímabilið en Jeremy Serwy er einnig á förum.

FH-ingar hafa hins vegar fengið sóknarmiðjumanninn Veigar Pál Gunnarsson í sínar raðir frá Stjörnunni.