Juventus og Napoli mætast í stórleik í Serie A á laugardaginn.
Gonzalo Higuain er ekki vinsælasti maðurinn í Napoli eftir að hann færði sig yfir til Juventus í sumar en Juventus borgaði um 90 milljónir punda fyrir hann.
Mauizio Sarri, þjálfari Napoli, var spurður út í að mæta Higuain aftur.
„Higuain stóð sig hjá mér og hann lagði mikið á sig. Ég mun taka á móti honum eins og faðir tekur á móti syni sínum þegar hann hefur gert eitthvað af sér. Ég verð reiður við hann," sagði Sarri léttur.
Dries Mertens, leikmaður Napoli, ætlar líka að taka vel á móti Higuain.
„Það er ekki til neitt sem heitir vinir á vellinum. Þetta er mjög mikilvægur leikur. Ég ætla að slá hann utanundir," sagði Hollendingurinn.
Stuðninsmnenn Napoli tóku mjög illa í félagsskiptin og kveiktu m.a í treyjum með nafni hans á bakinu.
Athugasemdir