Heimild: Sky Sports
Zinedine Zidane.
Zinedine Zidane, þjálfari Real Madrid, segir að leikmenn sínir fari til Barcelona fullir sjálfstrausts eftir að hafa náð sex stiga forystu á Börsunga á toppi deildarinnar. Barcelona og Real Madrid mætast í El Clasico-leiknum á Nývangi klukkan 15:15 í dag.
Real Madrid er á toppi deildarinnar fyrir leikinn, en þeir hafa ekki tapað leik síðan í apríl. Þeir eru eins og áður segir með sex stiga forystu á Barcelona og því ljóst að sigur Madrídinga myndi gera Börsungum mikinn óleik í dag þó svo að tímabilið sé ekki enn hálfnað.
Real Madrid er á toppi deildarinnar fyrir leikinn, en þeir hafa ekki tapað leik síðan í apríl. Þeir eru eins og áður segir með sex stiga forystu á Barcelona og því ljóst að sigur Madrídinga myndi gera Börsungum mikinn óleik í dag þó svo að tímabilið sé ekki enn hálfnað.
„Hvorugt liðið er sigurstranglegra í þessum leik," sagði Zidane á blaðamannafundi í gær. „Í fyrra fórum við þangað með samklipna rassa - ég biðst afsökunar á orðbragðinu - en núna þurfum við að fara inn með sama hugarfar," bætti sá franski við, en Real Madrid vann 2-1 sigur gegn Barcelona á Nývangi á síðasta tímabili.
„Ég vil að við séum eins undirbúnir og við vorum fyrir leikinn á síðasta tímabili, en spilum eins og við erum að gera núna."
Barcelona er ríkjandi Spánarmeistari og Zidane segir að því verðir að bera virðingu fyrir.
„Við erum að spila á móti meisturunum og meistararnir eru alltaf góðir í stóru leikjunum."
Athugasemdir
