Viktor Jónsson, framherji Víkings, er líklega á leið í Þrótt á nýjan leik. Viktor var á láni hjá Þrótti sumarið 2015 en hann skoraði þá 19 mörk og var næstmarkahæsti maður fyrstu deildarinnar þegar Þróttarar fóru upp í Pepsi-deildina.
Eitt félag í Peps-deildinni hefur einnig sýnt Viktori áhuga að undanförnu sem og annað félag í Inkasso-deildinni. Líklegast er hins vegar að Viktor fari í Þrótt á nýjan leik.
„Þróttur hefur áhuga og tvö önnur lið. Þetta á að skýrast í þessari viku," sagði Milos Milojevic, þjálfari Víkings, við Fótbolta.net í dag.
Viktor er 22 ára gamall en hann er uppalinn hjá Víkingi.
Í sumar skoraði Viktor eitt mark í átján leikjum í Pepsi-deildinni með Víkingi en hann átti ekki alltaf fast sæti í byrjunarliðinu.
Athugasemdir