Átta leikir eru á dagskránni í Meistaradeildinni í knattspyrnu í kvöld er loka umferð riðlakeppninnar fer í gang.

Frönsku meistararnir í Paris munu eygja það að klára riðilinn með heimasigri á Ludogorets en gestirnir vita að þriðja sætið er öruggt með sigri þeirra. Arsenal heimsækja Basel og verða að ná betri úrslitum en PSG til að eiga möguleika á efsta sæti riðilsins.

Benfica og Napoli mætast í úrslitaleik um toppsæti riðilsins en vita að ef Besiktast nær ekki að sigra Dynamo Kyiv á útivelli þá fara bæði lið áfram.

Það er að litlu að keppa í C riðli þar sem Barcelona hafa tryggt sér sigur í riðlinum á meðan City fara með þeim í útsláttarkeppnina. Mönchengladbach eru á leið sinni í Evrópudeildina en lærisveinar Brendan Rodgers í Celtic enda neðstir, sama hvernig fer í kvöld.

Það verður spennandi að sjá risana í Bayern taka á móti Atletico Madrid en ekkert sæti er í húfi í þeim leik. Sveinar Diego Simeone í Madrid hafa nú þegar sigrað riðilinn með því að vinna alla leiki sína í keppninni hingað til.