Eins og við greindum frá fyrr í vikunni eru mörg lið í Evrópu á höttunum eftir 9 ára gömlu undrabarni frá Brasilíu. Jean Carlos Chera heitir pilturinn og spilar nú fyrir barnalið Associacao Desportiva Atletica sem er lítið lið í Parana í Brasilíu.
Eins og fram kom í fréttinni vakti Jean mikla athygli eftir að félagið sendi út það helsta úr leikjum hans á netið. Í myndböndunum sést Jean skora mörk frá miðjunni, sóla nokkra varnarmenn og spila meðal 13-14 ára drengja.
Við höfum nú nálgast þetta myndband og það er hreint ótrúlegt að fylgjast með guttanum, allt frá því að hann er 6 ára gamall og til 9 ára aldurs!
Manchester United og Porto eru einu liðin sem staðfest hafa verið að séu að skoða stráksa en nokkur önnur lið í Evrópu eru einnig að skoða hann.
Það ber þó að hafa í huga að Evrópsk lið mega ekki nota leikmenn utan Evrópusambandsins fyrr en þeir ná 18 ára aldri.
Smelltu hér til að sjá myndbandið
Athugasemdir
