Sverrir Ingi Ingason.
Rúnar Kristinsson, þjálfari Lokeren, segist í viðtali á vef Morgunblaðsins vera ánægður fyrir hönd Sverris Inga Ingasonar með að fá tækifæri til að leika í spænsku úrvalsdeildinni.
Sverrir er á förum frá belgíska félaginu Lokeren til Granada á Spáni en spænskir fjölmiðlar segja kaupverðið vera í kringum 1,5 milljón evra.
Sverrir er á förum frá belgíska félaginu Lokeren til Granada á Spáni en spænskir fjölmiðlar segja kaupverðið vera í kringum 1,5 milljón evra.
„Ég er mjög ánægður fyrir hans hönd, þetta er gott skref upp á við fyrir hann á sínum ferli. Þetta gefur honum góða möguleika til að ná enn lengra," sagði Rúnar í viðtali við mbl.is í dag.
Sverrir kom til Lokeren frá norska félaginu Viking fyrir tveimur árum en hann hefur staðið sig mjög vel í belgísku úrvalsdeildinni síðan þá.
Hinn 23 ára gamli Sverrir hefur skorað þrjú mörk í níu leikjum með íslenska landsliðinu en hann kom við sögu í tveimur leikjum á EM í Frakklandi í fyrrasumar.
Granada er í næstneðsta sæti í La Liga, sex stigum frá öruggu sæti. Liðið hefur fengið 39 mörk á sig í vetur eða flest allra liða í deildinni og einungis unnið einn leik, gegn liði Sevilla sem er í 2. sæti. Sverrir á að reyna að hjálpa Granada að snúa þessu slaka gengi við.
Athugasemdir
