Laugardagar eru alltaf fjörugir í fótboltanum og núna þegar þýski boltinn er að komast aftur á skrið, þá verða þeir bara enn skemmtilegri!

Í dag eru sex leikir í þýsku úrvalsdeildinni, en deildin er að fara aftur í gang eftir vetrarfrí. Fimm þeirra sex leikja sem eru í dag hefjast kl. 14:30.

Stærsti leikur dagsins er á milli Werder Bremen og Borussia Dortmund. Leikurinn er sýndur í beinni útsendingu á Stöð 2 Sport 4, en Aron Jóhannsson er ekki með Werder í dag vegna meiðsla.

Lokaleikur dagsins er á milli spútnikliðsins RB Leipzig og Eintracht Frankfurt. RB Leipzig hefur komið öllum á óvart, en þeir eru í öðru sæti, nokkrum stigum á eftir toppliði Bayern.