Mikið hefur verið ritað um framtíð Diego Costa en hann sneri aftur í lið Chelsea í dag og skoraði fyrsta mark leiksins. Conte vonar að þetta bindi enda á sögusagnir um framherjann.

„Ég er ánægður fyrir hans hönd og vona að sögusagnirnar séu núna búnar. Hann spilaði mjög vel," sagði Conte við blaðamenn BBC.

„Leikurinn var okkur erfiður, andstæðingurinn okkar í dag var mjög skipulagður og það var erfitt að brjóta þá niður. Við erum komnir í seinni helming tímabilsins núna og hver einasti leikur er erfiður, það er þannig hjá öllum."