West Bromwich Albion ætlar ekki sækjast eftir kröftum Odion Ighalo eins og talið var eftir að félagið seldi Saido Berahino til Stoke.
Talið var að WBA hafi reynt að selja Berahino til Watford og fá Ighalo í hina áttina, það gekk ekki upp og fór Berahino til Stoke og ætlar félagið því ekki að kaupa Ighalo.
Tony Pulis, knattspyrnustjóri félagsins, leitar nú af arftaka Berahino og ætlar hann að fá framherja til félagsins, þó að Jake Livermore hafi verið keyptur á tíu milljónir punda.
Ighalo átti frábæra leiktíð á síðustu leiktíð sem var hans fyrsta í ensku úrvalsdeildinni og skoraði hann 17 mörk. Ekki hefur gengið eins vel á þessari leiktíð og hefur hann aðeins skorað tvö mörk.
Athugasemdir