10) Setja Peter Crouch aftur í liðið (Stoke City) - Seint í október gerði sóknarmaðurinn hávaxni grín að því hve lítinn leiktíma hann hafði fengið. Nú hefur hann komist aftur í liðið og er með þrjú mörk í fjórum síðustu leikjum.

9) Fá Jack Wilshere (Bournemouth) - Var orðaður við Milan og Roma en Bournemouth krækti í hann á lánssamningi frá Arsenal. Hefur reynst traustur liðsstyrkur og náð góðum stöðugleika í sinn leik.

8) Reka Mike Phelan (Hull City) - Þegar þú gerir mistök í stjóraráðningu getur verið erfitt að játa mistökin. Hull lét Phelan fara og á betri möguleika á að halda sæti sínu eftir komu Marco Silva.

7) Halda sig við Tony Pulis (West Brom) - Margir héldu að Pulis væri kominn á endastöð með West Brom. En annað hefur komið á daginn. Ofan á allt hefur liðið skorað slatta af mörkum. Hann virðist kunna meira en leið eitt.

6) Selja John Stones (Everton) - Varnarmaðurinn vildi fara og Everton seldi hann á 47,5 milljónir punda. Stones var oft gagnrýndur fyrir slaka frammistöðu á síðasta tímabili með Everton og hefur fengið mikla gagnrýni hjá Manchester City.

5) Spila Roberto Firmino sem falska níu (Liverpool) - Markaskorun hefur svo sannarlega ekki reynst vandamál með Firmino fremstan. Með Sadio Mane og Philippe Coutinho myndast magnað flæði.

4) Spila Alexis Sanchez sem falska níu (Arsenal) - Skorar og skapar. Það má vel færa rök fyrir því að sú ákvörðun að nota Sanchez sem fremsta mann sé lykillinn á bak við titilbaráttu Arsenal.

3) Kaupa besta miðjumann á landinu (Chelsea) - Hljómar einfalt. Hin stórlið Englands öfunda Chelsea stórlega að hafa krækt í Kante. Frábær Leicester leikmaður varð frábær leikmaður fyrir topplið Chelsea.

2) Ýta Dele Alli framar (Tottenham) - Alli hefur spilað framar og fengið meira frjálsræði í sóknarleiknum. Hann hefur leikið á als oddi.

1) Skipta í þriggja manna vörn (Chelsea) - Þessi taktíska ákvörðun Conte hefur gert það að verkum að þjálfarar um allan heim eru farnir að herma. Bláliðar hafa nánast verið óstöðvandi síðan þeir hentu í 3-4-3.