Muhammed Mert.
Víkingur R. er að ganga frá samningi við Milos Ozegovic og Muhammed Mert um að þeir muni leika með liðinu í Pepsi-deildinni í sumar.
Verið er að ganga frá pappírsmálum en leikmennirnir ættu að fá leikheimild með Víkingi síðar í þessum mánuði.
Verið er að ganga frá pappírsmálum en leikmennirnir ættu að fá leikheimild með Víkingi síðar í þessum mánuði.
Milos er 24 ára varnarsinnaður miðjumaður frá Serbíu en hann hefur leikið í heimalandi sínu á ferlinum hingað til.
Muhammed Mert er 21 árs gamall en hann spilar framarlega á miðjunni. Hann lék síðast með Fortuna Sittard í næstefstu deild í Hollandi. Hann hefur einnig verið á mála hjá NEC Nijmegen og Genk á ferlinum.
Mert er frá Tyrklandi en hann lék með U15 og U16 ára landsliðinu þar. Mert ólst hins vegar upp í Belgíu og þegar hann var 16 ára fékk hann belgískt vegabréf. Hann lék með U16, U17 og U18 ára landsliði Belga á sínum tíma.
Víkingur hefur misst framherjana Gary Martin, Óttar Magnús Karlsson og Viktor Jónsson í vetur. Í viðtali í gær staðfesti Milos Milojevic, þjálfari Víkings, að stefnan sé að fá nýjan framherja í hópinn áður en keppni í Pepsi-deildinni hefst. Viðtalið má sjá hér að neðan.
Athugasemdir
