Hjörtur í leiknum í dag.
„Í hreinskilni sagt erum við ekki fullkomlega sáttir. Við getum unnið þetta lið. Það er alltaf barátta í svona nágrannaslögum, maður þarf bara að mæta hörkunni," sagði varnarmaðurinn Hjörtur Hermannsson eftir markalaust jafntefli Bröndby gegn FC Kaupmannahöfn.
Hjörtur átti góðan leik í hjarta varnarinnar en danska deildin fór aftur af stað um helgina eftir vetrarfrí.
FC Kaupmannahöfn er í efsta sæti deildarinnar með 54 stig, Bröndby er í öðru sæti með 43 stig og segir Hjörtur að menn séu ákveðnir í að minnka bilið. Þetta var aðeins í annað sinn á tímabilinu sem mótherjum FCK tókst að halda hreinu gegn þeim.
Athugasemdir
