mán 20. febrúar 2017 08:00
Magnús Már Einarsson
Heimild: BBC 
Man Utd ætlar að kaupa Kroos
Powerade
Toni Kroos er orðaður við Manchester United.
Toni Kroos er orðaður við Manchester United.
Mynd: Getty Images
Tottenham gæti reynt að fá Kevin Gameiro.
Tottenham gæti reynt að fá Kevin Gameiro.
Mynd: Getty Images
Slúðurpakki dagsins er mættur. Kíkjum á allt helsta slúðrið í dag.



Real Madrid er nýjasta félagið til að blanda sér í baráttuna um Moussa Dembele (20), framherja Cetlic. (Mirror)

Isco (24), miðjumaður Real Madrid, er á óskalista félaga í ensku úrvalsdeildinni. Isco er pirraður á litlum spiltíma hjá Real Madrid en hann hefur áður verið orðaður við Tottenham og Arsenal. (Mirror)

Manchester United hefur ákveðið að endurvekja áhuga sinn á Toni Kroos (27), miðjumanni Real Madrid. United ætlar að reyna að kaupa Þjóðverjann í sumar. (Independent)

Marquinhos (22), miðvörður PSG, er að gera nýjan fjögurra ára samning við franska félagið. Chelsea og Barcelona hafa verið á eftir Marquinhos. (Sun)

Chelsea hefur hafið viðræður við Monaco um kaup á miðjumanninum Bernardo Silva (22). Chelsea er tilbúið að borga 70 milljónir punda fyrir Silva. (Times)

Króatíski kantmaðurinn Ivan Perisic (28) er ekki á förum frá Inter að sögn Piero Ausilio, yfirmanns íþróttamála hjá ítalska félaginu. Perisic hefur verið orðaður við Chelsea, Manchester United og Liverpool. (Daily Star)

Everton ætlar að kaupa Ilija Nestorovski (26), framherja Palermo og makedónska landsliðsins, til að fylla skarð Romelu Lukaku ef hann fer í sumar. (Sun)

Mario Lemina (23), miðjumaður Juventus, er líklega á förum í sumar. Crystal Palace og Watford hafa áhuga á honum. (Croydon Advertiser)

Atletico Madrid er tilbúið að hlusta á tilboð í framherjann Kevin Gameiro (29). Tottenham gæti reynt að krækja í hann. (Mirror)

Steve Bruce, stjóri Aston Villa, segir að starf sitt sé ekki í hættu þrátt fyrir skelfilegt gengi undanfarnar vikur. (Telegraph)

Hollenski framherjinn Vincent Janssen er staðráðinn í að sanna sig hjá Tottenham en hann hefur lítið gert á fyrsta tímabili sínu með liðinu. (Daily Mail)

Liverpool er að semja við Yasser Larouci (16), miðjumann Le Havre í Frakklandi. (Liverpool Echo)
Athugasemdir
banner
banner
banner
banner