Harry Kane, framherji Tottenham, telur að liðið hafi forskot á önnur lið í bikarnum fari svo að liðið komist í undanúrslit. En undanúrslitarimmurnar eru leiknar á Wembley. Tottenham hefur leikið alla sína heimaleiki í Evrópukeppnum á þessu tímabili á þjóðarleikvanginum.
„Þetta er klárlega okkur í hag, það er 100%. Að því gefnu að við komumst áfram í undanúrslitin, sagði framherjinn.
„Við eigum leik þarna núna næsta fimmtudag, við þurfum að gera þetta að okkar heimavelli."
„Ég veit ekki hvernig þetta verður á næsta tímabili hvort að við munum spila eitthvað þarna en það er alls ekki ólíklegt og þess vegna þurfum við að reyna að vinna eins marga leiki þar og við getum" En Tottenham er að reisa nýjan heimavöll og þess vegna spilar liðið Evrópuleiki sína á Wembley.
„Því oftar sem við spilum þarna því betri verðum við á þessum velli," sagði Kane en gengi Tottenham á Wembley hefur ekki verið gott á þessu tímabili.
Athugasemdir