Pep Guardiola, þjálfari Manchester City, var nokkuð ánægður með 5-3 sigurinn magnaða gegn Monaco í kvöld.
„Það var margt sem gerðist í þessum leik en við vorum heppnir á réttum augnablikum. Við vorum stöðugir andlega og liðið spilaði mjög vel. Þessi leikur mun kenna okkur mikið," sagði Guardiola eftir leikinn.
„Monaco er með meiri sögu í þessari keppni en við og maður þarf svona reynslu til að læra og bæta sig. Það getur enn allt gerst í þessu einvígi svo við þurfum að vera einbeittir."
„Úrslitin í kvöld voru í lagi. Þau hefðu getað verið betri en líka verri. Svona er þetta bara."
Athugasemdir
