Ný æfingaaðstaða mun verða byggð hjá Kirkby æfingasvæðinu þar sem yngri lið Liverpool æfa og keppa í dag.

Klopp vill geta fylgjast grannt með því sem á sér stað á æfingum yngri flokkana. Efnilegir leikmenn Liverpool eru meðvitaðir um það að í Klopp eru þeir með stjóra sem er alltaf tilbúnn að gefa mönnum tækifæri ef þeir vinna fyrir því.

Klopp er á þeirri skoðun að Liverpool eigi að hafa aðalliðið og unglingaliðin undir sama þaki. Hann vill hafa aðstöðu þar sem ungu leikmennirnir geta séð fyrirmyndir sínar ganga inn um dyrnar á hverjum degi. Það hjálpar honum sjálfum einnig að fylgjast betur með efnivið félagsins.

„Að sameina aðalliðið og ungu leikmennina á sama stað er spennandi hugmyndafræði," segir Andy Hughes, yfirmaður framkvæmdamála hjá Liverpool. Hann segir að öll aðstaða verði fyrsta flokks á nýju og endurbættu æfingasvæði. Ný bygging mun rísa, reistur verður yfirbyggður fótboltavöllur, líkamsræktarsalir, aðstaða fyrir endurhæfingu og sundlaug.

Sömu aðilar og unnu að stækkun stúkunnar á Anfield hanna nýtt æfingasvæði Liverpool.