Leroy Sane og Sergio Aguero.
Manchester City vann 5-3 sigur gegn Mónakó í hreint ótrúlegum leik í 16-liða úrslitum Meistaradeildar Evrópu í gær. Nokkrum klukkustundum eftir lokaflautið var liðið mætt á flugvöllinn í Manchester.
Liðið er flogið út í sólina í Abu Dhabi en það á ekki leik um helgina. Fyrirhuguðum grannaslag við Manchester United var frestað þar sem United er að leika úrslitaleik í deildabikarnum á sunnudag.
City verður við æfingar í Sameinuðu arabísku furstadæmunum og mun gista á fimm stjörnu Emirates Palace hótelinu. Í heimsókninni mun starfslið City og leikmenn einnig hitta eiganda félagsins, Sheikh Mansour.
City er í góðum málum fyrir seinni leikinn gegn Mónakó en miðað við ummæli Pep Guardiola má búast við öðru markaregni í þeim leik.
„Við fljúgum til Mónakó með það markmið að skora eins mörg mörk og hægt er. Við ætlum ekki að verja þessa forystu," sagði Guardiola.
Pictures: Manchester City head to their warm-training camp in Abu Dhabi just hours after beating Monaco. [Mirror] pic.twitter.com/vxcBErT49d
— City Watch (@City_Watch) February 22, 2017
Íslenska landsliðið á æfingu í Abu Dhabi.
Athugasemdir
