Leikmenn Leicester sögðu eigendum félagsins á fundi í gær að þeir væru óánægðir með Claudio Ranieri.
Ranieri var rekinn í gærkvöldi, níu mánuðum eftir að hann gerði Leicester að enskum meisturum á afar óvæntan hátt.
Ranieri var rekinn í gærkvöldi, níu mánuðum eftir að hann gerði Leicester að enskum meisturum á afar óvæntan hátt.
Eigendur Leicester kölluðu leikmenn á fund í gær eftir 2-1 tapið gegn Sevilla í Meistaradeildinni í fyrrakvöld.
Samkvæmt frétt Sky lýstu leikmenn yfir óánægju sinni með Ranieri á fundinum. Þá sögðu þeir einnig frá því að samband Ranieri og annarra í þjálfaraliðinu væri mjög slæmt.
Samband Ranieri og aðstoðarstjórans Craig Shakespeare ku hafa verið vont. Líklegt er að Shakespeare stýri Leicester gegn Liverpool á mánudag áður en nýr stjóri verður ráðinn. Roberto Mancini þykir líklegastur sem næsti stjóri.
Sjá einnig:
Rétt að reka Ranieri (Pistill)
Athugasemdir