Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 25. febrúar 2017 08:15
Fótbolti.net
TG9, Man Utd og Ólafsvík í útvarpinu í dag
Tryggvi Guðmunds kíkir í heimsókn.
Tryggvi Guðmunds kíkir í heimsókn.
Mynd: Fótbolti.net - Magnús Már Einarsson
Útvarpsþátturinn Fótbolti.net verður á sínum stað á X-inu FM 97,7 í dag milli 12 og 14 eins og venjan er á laugardögum. Tómas Þór Þórðarson er í fríi þessa helgina en Magnús Már Einarsson og Benedikt Bóas Hinriksson verða með Elvari Geir Magnússyni.

Víða verður komið við í þættinum í dag. Gestur er markagoðsögnin Tryggvi Guðmundsson en Elvar og Magnús ætla að ræða við hann um undirbúningstímabilið á Íslandi hingað til.

Rætt verður um enska boltann þar sem brottrekstur Claudio Ranieri mun bera á góma. Svo verður að sjálfsögðu hitað upp fyrir úrslitaleik enska deildabikarins þar sem Manchester United og Southampton leika á morgun, sunnudag. Runólfur Trausti Þórhallsson á raududjoflarnir.is verður á línunni.

Þá verður púlsinn tekinn á stöðu mála hjá Víkingi Ólafsvík og rætt við Jónas Gest Jónasson formann Ólsara. Það hefur lítið heyrst úr Ólafsvíkinni i vetur.

Útvarpsþátturinn Fótbolti.net er á X-inu alla laugardaga kl. 12-14. Umsjónarmenn þáttarins að þessu sinni eru Elvar Geir Magnússon og Magnús Már Einarsson. Hægt er að finna þá á Twitter undir @elvargeir og @maggimar.

Smelltu hér til að hlusta á upptökur úr eldri þáttum.

Þú getur hlustað á X-ið á netinu með því að smella hérna

Athugasemdir
banner
banner
banner
banner