Ronald Koeman, stjóri Everton, vonar að hans gömlu lærisveinar í Southampton tapi úrslitaleik deildabikarsins gegn Manchester United á sunnudag.
Ástæðan er þó ekki sú að honum sé illa við sitt gamla félag, heldur mun sigur Manchester United auka líkur Everton á að ná Evrópusæti. Liðið er þessa stundina í sjöunda sæti úrvalsdeildarinnar og það sæti gæti dugað til að spila í Evrópudeildinni á næstu leiktíð ef sigurvegarar deildabikarsins og bikarsins eru fyrir ofan það.
Ástæðan er þó ekki sú að honum sé illa við sitt gamla félag, heldur mun sigur Manchester United auka líkur Everton á að ná Evrópusæti. Liðið er þessa stundina í sjöunda sæti úrvalsdeildarinnar og það sæti gæti dugað til að spila í Evrópudeildinni á næstu leiktíð ef sigurvegarar deildabikarsins og bikarsins eru fyrir ofan það.
„Það er satt að það hjálpar okkur að rétta liðið vinni deildabikarinn eða bikarinn," sagði Koeman fyrir leik sinna manna gegn Sunderland á Goodison Park.
„Þess vegna vonum við að United vinni um helgina og að eitt af stærstu liðunum vinni bikarinn, því þá er mögulegt að sjöunda sætið gefi sæti í undankeppni Evrópudeildarinnar."
Athugasemdir