Cristiano Ronaldo jafnaði metinn fyrir Real Madrid í gærkvöldi gegn Villarreal er hann skoraði úr vítaspyrnu en með markinu setti hann nýtt met í spænsku úrvalsdeildinni.
Real Madrid lenti 2-0 undir en Gareth Bale minnkaði muninn áður en Ronaldo jafnaði metinn á 74. mínútu. Alvaro Morata kláraði svo magnaða endurkomu Real Madrid og innsiglaði 3-2 sigur.
Mark Ronaldo var 57. markið sem Ronaldo skorar úr vítaspyrnu í spænsku úrvalsdeildinni og er það nýtt met.
Ronaldo hafði deilt metinu með goðsögn Real Madrid, Hugo Sanchez síðan 15. janúar en þá skoraði Ronaldo úr vítaspyrnu gegn Sevilla.
Lionel Messi, leikmaður Barcelona er í 5. sæti á þessum lista, með 43 mörk úr vítaspyrnu.
Athugasemdir