Zlatan Ibrahimovic var hetja Manchester United í gærkvöldi þegar hann tryggði liðinu deildabikarinn eftir spennandi úrslitaleik gegn Southampton.
Zlatan skoraði tvö mörk í leiknum og þar á meðal sigurmarkið á 87. mínútu leiksins.
Þetta var 31. titill sem Zlatan vinnur á ferlinum en hann hefur unnið 13 deildartitla á síðustu 15 tímabilum, eða síðan hann yfirgaf Svíþjóð til þess að ganga til liðs við Ajax.
Hann á hins vegar eftir að vinna einn titil á ferlinum til þess að nánast fullkomna feril sinn. Það er Meistaradeild Evrópu.
Með mörkunum sínum í gærkvöldi er Zlatan kominn með 20 mörk á tímabilinu og tíunda tímabilið í röð þar sem hann nær 20 mörkum. Þá er hann fyrsti leikmaður Man Utd til þess að skora 20 mörk á tímabili síðan Sir Alex Ferguson hætti með liðið.
Athugasemdir