Mark Gareth Bale í seinni hálfleik viðureignar Villarreal og Real Madrid í gær sá til þess að Madrídingar jöfnuðu magnað markamet frá 1944, met sem Barcelona hélt.
Lærisveinar Zinedine Zidane hafa nú skorað í 44 leikjum í röð í öllum keppnum.
Síðast þegar Real Madrid mistókst að skora var gegn Manchester City í Meistaradeild Evrópu í apríl 2016. Síðan þá hefur liðið aðeins tapað þremur leikjum og skorað í hverjum einasta.
Real Madrid getur slegið þetta 73 ára gamla met nú á miðvikudag þegar Las Palmas kemur í heimsókn.
44 - Real Madrid have scored in their last 44 games, equaling the best streak in La Liga history (Barcelona in 1944 - all comp). Steamroller pic.twitter.com/EFnuE2Sglq
— OptaJose (@OptaJose) February 26, 2017
Athugasemdir