Luciano Spalletti, þjálfari Roma, segir að lið sitt fái ekki það hrós sem það á skilið eftir 3-1 sigurleik gegn Inter í ítölsku úrvalsdeildinni í gær.
Roma yfirspilaði heimamenn á San Siro og skoraði Radja Nainggolan tvívegis og Diego Perotti eitt eftir að Mauro Icardi klóraði í bakkann fyrir heimamenn.
Rómverjar eru hinsvegar það lið sem hefur fengið flestar vítaspyrnur á tímabilinu og segir Spalletti að fjölmiðlar einblíni of mikið á lítil atriði sem skipta ekki máli.
„Fólk er alltaf að leita eftir einhverju krassandi," sagði Spalletti við Mediaset Premium.
„Roma vann verðskuldað en samt þurfið þið að rýna í einhver smá atriði. Það sem skiptir mig máli er frammistaða liðsins og hún var góð."
Athugasemdir