„Ég er spenntur fyrir leiknum eins og allt knattspyrnuáhugafólk, leikmenn og allir sem að liðinu standa. Ég hlakka til," sagði Guðni við Fótbolta.net á keppnisvellinum í Shkoder þar sem íslenska liðið var að æfa.

„Ég spilaði sjálfur í Albaníu 1991, fyrir 26 árum, og þetta er heldur betra en þá. Völlurinn er í frábæru standi og veðrið mjög notalegt. Aðstæður eru hinar bestu."

„Leikurinn er mjög mikilvægur. Þetta eru þrjú stig sem við stefnum á hiklaust. Það myndi stilla öllu vel upp fyrir leikinn gegn Króatíu heima í sumar."

Guðni lék 80 landsleiki fyrir Ísland á sínum ferli og viðurkenndi að það kitlaði að stökkva í takkaskóna og vera með á æfingu.

„Ég er ekki með skóna svo ég er ekki bjartsýnn! En maður fær vissulega fiðring í tærnar við að sjá þessar aðstæður og koma í þennan frábæra hóp. Manni langar mikið á grasið."

Guðni geymir jakkafötin þar til á leikdegi á morgun en hann var klæddur í léttan æfingaklæðnað í dag. Yfir 20 stiga hiti er í Shkoder.

„Það er gott að fara í íþróttagallann, í svona veðri er vont að vera í jakkafötum með bindi. Manni líður best í gamla góða æfingagallanum."

Í viðtalinu hér að ofan tjáir Guðni sig um umgjörðina kringum landsliðið og fyrstu vikur sínar sem formaður.

Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki