Vefsíðan Sportskeeda.com birtir í dag lista yfir fimm vanmetnustu fótboltamenn í Evrópu. Gylfi Þór Sigurðsson, leikmaður Swansea og íslenska landsliðsins, trónir þar á toppnum.
Gylfi hefur lengi verið í lykilhlutverki hjá Swansea en hann er í augnablikinu stoðsendingahæsti leikmaður ensku úrvalsdeildarinnar.
„Ef það væri ekki fyrir frammistöðu Sigurðsson þá væri liðið á verri stað en það er nú þegar. Þrátt fyrir að sýna mikil gæði með liði sem er neðarlega í deildinni þá hefur Sigurðsson farið undir radarinn," segir í umfjöllun Sportskeeda.
Faouzi Ghoulam, vinstri bakvörður Napoli, er í öðru sæti á listanum, Bernardo Silva miðjumaður Monaco er í þriðja sæti, Anthony Lopes markvörður Lyon er í fjórða og Iago Aspas framherji Celta Vigo og fyrrum leikmaður Liverpool er í því fimmta.
Gylfi er ekki vanmetinn hjá öllum því Robert Pires, fyrrum leikmaður Arsenal, er með hann í draumaliði sínu fyrir leikina í undankeppni HM í kvöld.
My team for the day ⚽️⚽️ @EuroQualifiers #daily11 #fantasy #EuropeanQualifiers pic.twitter.com/ToKw2Rf2ij
— robert pires (@piresrobert7) March 24, 2017
Athugasemdir