sun 26. mars 2017 12:00
Bjarni Þórarinn Hallfreðsson
Coutinho efstur á lista Barcelona
Powerade
Barcelona er á eftir Coutinho
Barcelona er á eftir Coutinho
Mynd: Getty Images
Verður Mbappe dýrasti leikmaður heims í sumar?
Verður Mbappe dýrasti leikmaður heims í sumar?
Mynd: Getty Images
Þá er slúðrið mætt enn einn daginn! BBC hefur farið yfir það helsta í ensku blöðunum og tekið það saman. Hellingur af slúðri í dag.

Philippe Coutinho, miðjumaður Liverpool er efstur á óskalista Barcelona í sumarglugganum. (Sport)

Jermain Defoe er líklegur til þess að vera í byrjunarliði Englands gegn Litháen í dag. Defoe sem hefur ekki spilað fyrir England síðan í nóvember 2013 verður líklega í byrjunarliðinu í stað Jamie Vardy, sem fékk högg í vináttuleiknum gegn Þýskalandi. (Daily Mail)

Gareth Southgate, landsliðsþjálfari Englands segir að Wayne Rooney eigi ennþá tækifæri á því að fá sæti sitt aftur í enska landsliðshópnum. (Times)

Chelsea er tilbúið til þess að gera nýjan samning við Eden Hazard en hann hefur verið orðaður við Real Madrid að undanförnu. (Daily Telegraph)

Manchester United er tilbúið til þess að borga 60 milljónir punda fyrir James Rodriguez, leikmann Real Madrid. Kólumbíumaðurinn hefur ekki verið fastamaður í byrjunarliði Evrópumeistaranna eftir að Zinedine Zidane tók við og vill fara frá Real Madrid í sumar. (Manchester Evening News)

Pep Guardiola, stjóri Manchester City er öruggur um að fá vinstri bakvörð Tottenham, Danny Rose á 50 milljónir punda í sumar. Tottenham mun fá Luke Shaw, leikmann Manchester United til þess að fylla í hans skarð. (Daily Mirror)

Jack Wilshere er opinn fyrir því að ganga til liðs við ítalska félagið AC Milan. Wilshere sem er að klára eins árs lánssamning hjá Bournemouth segir að David Beckham hafi mælt með flutningi til Ítalíu. (Daily Mail)

Erkifjendurnir AC Milan og Inter Milan hafa bæði áhuga á Yaya Toure en samningur hans við Manchester City rennur út í sumar. (Sun)

Tyrkneska félagið Galatasaray vilja fá Vincent Janssen, framherja Tottenham en hann hefur aðeins skorað eitt mark í opnum leik á tímabilinu fyrir Tottenham. (Daily Mail)

Monaco hefur sett 130 milljóna punda verðmiða á hinn 18 ára gamla Kylian Mbappe. Manchester United eru líklegastir til þess að fá franska unglining en hann hefur skorað 19 mörk í 32 leikjum á tímabilinu. (Daily Express)

Liverpool ætlar sér ekki að selja Belgann Divock Origi í sumar. (Liverpool Echo)

Ronald Koeman, stjóri Everton vill fá 100 milljónir punda til þess að endurbyggja Everton ef Romelu Lukaku og Ross Barkley yfirgefa félagið í sumar. (Daily Mirror)
Athugasemdir
banner
banner
banner
banner
banner