Sunderland er í ansi vondum málum! Þeir eru á botni deildarinnar, sjö stigum frá öruggu sæti. Það þarf eitthvað mikið að gerast til þess að þeir haldi sæti sínu.

Defoe er enn í fantaformi þrátt fyrir að vera orðinn 34 ára gamall. Hann er búinn að skora 14 mörk í deildinni á tímabilinu og ljóst er að hann verður eftirsóttur ef Sunderland fellur.

Bournemouth og West Ham eru sögð mjög áhugasöm, en önnur lið gætu blandað sér í baráttuna um hann. Hann stefnir á að fara á HM í Rússlandi 2018 með enska landsliðinu og því þarf hann helst að vera að spila í ensku úrvalsdeildinni.